Malolos Cathedral

Article by Rhianne

Ang Minor Basilica and Cathedral of the Immaculate Conception of Malolos o mas kilala bilang Malolos Cathedral ay isa sa mga kilalang simbahan sa Pilipinas na matatagpuan sa Malolos ang kabisera ng Bulacan. Noong Hunyo 11, 1580, itinatag ni Fray Matheo de Mendoza ang Parokya ng Malolos, na kalaunan ay naging Katedral ng Malolos. Ang kasalukuyang katedral ay hango sa disenyo ng Romanesque Revival of Neo-Romanesque style.

History

Ang Katedral ay ang nagsilbing Palasyo ng Malakanyang ni Emilio Aguinaldo sa panahon ng Unang Republika ng Pilipinas simula noong ika-15 ng Setyembre taong 1898 hanggang ika-31 ng Marso taong 1899. Naging opisina ni Aguinaldo ang kumbento ng simbahan.

Noong kasagsagan ng labanan ng Pilipinas at Amerika ay nag pasiya ang mga Amerikano na lusubin ang bayan ng Malolos upang talunin ang mga sundalong naroroon at para masakop ang bayan. Sa kabilang banda naman ay bago makarating ang mga Amerikano ay tumakas na si Aguinaldo kasama ang mga tauhan nito at inutos kay Heneral Antonio Luna na sunugin ang Malolos, upang lahat ng kanilang naiwan na mga estratehiya laban sa mga Amerikano ay mawalan ng saysay sa mga Amerikano.

Sinimulan muling itayo ang simbahan noong taong 1902 hanggang 1936, maraming pagbabago ang nangyari sa simbahan at hindi katagalan ay naging isa itong Cathedral noong taong 1962. Maraming pagkukumpuni ang naranasan ng katedral isa na rito ang pag-alis ng bell tower ng katedral na pinalitan ng istatwa ng Immaculate Concepcion.

Sa paglipas ng panahon ay noong ika-4 ng Disyembre taong 1999 ay ang katedral ay itinaas sa Minor Basilica ng Immaculate Conception, maraming pag papa-ayos ang nangyari rito partikular na sa patyo ng simbahan at sa paligid. Ang mga yugto ng Patio Development Plan ay kinakatawan ng mga estatwa sa ilalim ng puno ng Kalayaan Tree, ang Memorial Cross sa harap ng Basilica, at ang Presidential Gate.