Rufina Tengco Reyes (Women of Malolos)

Rhassen A

Si Rufina Tengco Reyes ay isinilang noong Nobyembre 16, 1869, kina Clemente Teongson Reyes at Maria Tengco. Isa si Rufina sa 20 magigiting na kababaihan ng Malolos, at sa kanyang tahanan isinagawa ang pag-aaral ng wikang Español ng mga Kababaihan ng Malolos. Sa ilalim ng Red Cross, nagbigay si Rufina ng tulong sa mga Katipunero; nag-alok siya ng pagkain, pera, tabako, at sigarilyo sa mga sundalong nasa ospital. Boluntaryo rin niyang inalagaan ng mga sugatan at may sakit, maging ito'y sa kampo ng kaaway o kaibigan. Kasapi rin si Rufina sa Asociacion Feminista Filipina sa Pariancillo. Sumakabilang-buhay si Rufina noong 1909, sa edad na 40.

References

Tiongson, N. G. (2004). Rufina Tengco Reyes. In The Women of Malolos (pp. 271-274). Ateneo de Manila University Press.