Babatnin
Babatnin article by Shailo
Kasaysayan
Babatnin ang opisyal na ngalan ng barangay sa kasalukuyan, ay dating kagubatan. Maraming mga unggoy , usa, at baboy ramo. Ang mga tao mula sa ibang lugar ay nagpupunta sa lugar na ito para mangaso ng mga hayop na makakain.
Isang araw, dalawang lalaki mula sa malayong baryo ang nagpunta sa lugar para manghuli ng mga baboy ramo . Mayroon silang isang malaking piraso ng lubid para sa paghuli ng mga hayop na tinatawag nilang “Pangbatbating”. Habang sila ay nangangaso ,isang grupo ng mga Espanyol ang nakarating sa lugar. Nakita nila ang mga mangangaso. Tinanong nila ang pangalan ng lugar gamit ang wikang Espanyol. Nagkataon na ang dalawang lalaki ay hindi marunong ng Espanyol kahit Ingles. Hindi nila alam kung ano ang sasabihin. Ang unang lalaki ay naisip na tinatanong ng mga Espanyol kung anong tawag sa gamit nila sa pangangaso kaya ang sagot nila ay “Pangbatbating”.
Hindi matatas ng mga Espanyol ang mahabang salita na kanilang narinig , kaya tinawag nila itong “Babatnin” na syang naging opisyal na pangalan ng Baryo. Walang tao sa lugar ang makapagsabi ng saktong panahon kung kailan ito naganap. Ang Babatnin ay hindi natirahan bago ang pagdating ng mga Kastila. Ang unang nanirahan sa Babatnin ay galing sa Atlag.
Isang araw , isang grupo ng kalalakihan ang nagpunta sa hangganan ng ilog ng Malolos at Bulacan para manghuli ng alimango. Habang sila ay nanghuhuli ng alimango . Dumating ang mga pangkat ng mga Kastila . Sila ay natakot kaya tumakbo sila para magtago sa likod ng makapal na mga puno ng bakawanan. Tatlo sa mga lalaki ay nahuli. Sila ay ginawang trabahador ng mga Kastila sa lugar. Hindi na pinayagang umuwi ang tatlong lalaki kaya dinala na nila ang kanilang mga pamilya doon. Ang tatlong nahuling na taga Atlag at ang kanilang pamilya ay ang orihinal na pamilya sa Babatnin.
Mga Kasabihan
- Ang palo ng magulang ay nagpapataba.
- Walang utang na hindi pinagbabayaran.
- Ang buhay ay parang gulong, magulang at makagulong.
- Ang taong maagap daig ang masipag.
- Kapag may isinuksok ay may titingalain.
- Kung saan nadapa ay doon magbangon.
- Ang ulang tikatik ay madaling makaputik.
- Ang pagod ay di bumubukol.
- Lumakad ang kalabasa, naiwan ang bunga.
- Malaking kahoy walang lilim.
- Magsisi ka ma’t huli ay wala ng mangyayari.
- Palakilaki man ang palayok ay may kasukat na suklob.
- Umilag sa baga sa ningas na sugba.
- Kapag nahiling ang darak ay mahal pa ang bigas.
Mga paraan ng pagtukoy ng oras
Ang mga unang nanirahan sa Babatnin at ilang tao ngayon ay ginagamit ang posisyon ng araw upang sukatin ang oras. Sa kasalukuyan, halos lahat ng tao ay gumagamit ng orasan at relo sa pagtukoy ng oras.
Iba’t ibang laro at libangan
Noong unang panahon, ang mga tao sa Babatnin ay may sariling mga laro at libangan.
- Moro-moro
- Lubigan
- Ilingan
- Sungka
- Pagpapalipad ng saranggola
- Mga katutubong sayaw (sayaw bukid)
- Duplo
- Paglalaro ng baraha
- Pag-inom
- Palmo (paglalaro ng pera)
- Sabong
Iba’t ibang laro at libangan ngayon ang sumusunod;
- Mga larong ginagamitan ng bola - softball, volleyball, basketball
- Mga sayaw bukid
- Pag-awit at pagtugtog ng gitara
- Pagpapalipad ng saranggola
- Sungka
- Paglalaro ng Baraha
- Paligsahan sa paglangoy
- Pabilisan sa pagsagwan ng bangka
Tradisyon at Kaugalian
- Noong mga unang araw ay hindi inilalagay ang mga patay sa kabaong gaya ng ginagawa natin ngayon. Sa halip ang mga kamag-anak ay gumagawa ng isang uri ng banig na gawa sa hinubad na kawayan kung saan inilalagay ang patay.
- Kapag ipinanganak ang isang sanggol , binibisita ito ng mga mamamayan.
- Kapag ang isang tao ay inimbitahan sa isang hapunan , siya ay hindi kumakain ng marami dahil baka sabihin ng maghanda ma siya ay malakas kumain.
- Ang isang binata na nanliligaw sa isang dalaga ay hindi nakikipagtalik sa bahay nito dahil nahihiya siya. Sa halip pumupunta siya ss ilalim ng kanyang bahay sa Gabi at bumubulong ng kung ano ang gusto niyang sabihin.
- Ang kasal ay ginagawa sa detalyado at magarbong paraan. Maraming pagkain tulad ng karne, suman, tsokolate at alak o tuba ang inihahanda para sa salu-salo.
- Sa hating gabi ng kasal, ang partido ng lalaki ay pumupunta sa bahay ng babae na may dalang larawan ng santo na may magarbong mga palamuti. Sila ay sumasayaw at umaawit kasama ang mga ekspresyon sa anyong tula.
- Ang binyag ay ipinagdiriwang na may maraming pagkain at inumin . Nagbibigay ang mga kamag-anak , kaibigan at kapitbahay ng mga regalo sa ina ng sanggol na kadalasang pera.
Alamat at Paniniwala
- Kapag ang isang babae ay nagsisilang ang mga myembro ng pamilya ay magtayo ng siga sa ilalim ng bahay nya upang madaling lumabas ang sanggol.
- Naniniwala sila na ang sakit ng tao ay ang kalooban ng Diyos.
- Ang isang babaeng nagdadalang tao ay hindi dapat umupo sa hagdan.
- Ang isang batang may sakit sa balat ay hindi dapat gamutin kung hindi ay mamamatay ito.
- Ang pangalan ng isang bata ay dapat nakadepende sa pangalang natagpuan sa kalendaryo sa araw kung kailan siya isinilang.
- Karamihan sa mga gawi , pag-uugali at kakayahan sa pag-iisip ng bata ay minana nito sa ninong o ninang.
- Naniniwala sila na ang ilang mga himala ay ginagawa ng mga nuno sa punso na nakatira sa ilalim ng lupa.
- Ang buntis ay hindi dapat matulog na may bintanang bukas dahil maaaring may mangyari masama sa kanya.
- Hindi dapat kumain ng gulay ang nagdadalang tao dahil ang sanggol ay magmakaroon ng maraming kati sa katawan.
- Kapag ang isang ina na may sanggol ay mamatay , binibisita nito ang anak araw at gabi. Pinagsusuot ng pulang damit ang sanggol upang hindi ito dalawin ng ina.
Prominenteng Pamilya Sa alin mang pamayanan o baryo sa Pilipinas ay may mga pamilyang kilala o iginagalang ng lahat . Kabilang sa mga kilalang pamilya sa Babatnin ay ang mga Cruz at Laquindanum.
Mga naging Teniente Del Barrio
- Jose Dela Cruz- Senior (1905-1909)
- Agustin Arellano (1900-1913)
- Victorino Tenorio (1914-1917)
- Basillio Buenaventura (1917-1920)
- Cecilio Apostol (1921-1924)
- Jose Laquindanum (1925-1928)
- Fulgencio Cervantes (1929-1932)
- Cayetano Laquindanum (1933-1936)
- Gregorio Dela Cruz (1937-1940)
- Dionisio Roque (1940-1953)
Konklusyon
Ang pag-unlad ng mga baryo ng Pilipinas ay nanganghulugan ng pag-unlad ng bayan na nangangahulugan ng pag-unlad ng lalawigan. Habang ang mga bayan at lungsod ay umuunlad sa maraming aspeto , ang baryo ay nananatiling hindi nababagabag. Ang parehong bahay kubo ay maaaring makita sa ilang permanenteng gusali.
Ang Babatnin , tulad ng iba pang mga baryo napakalayo mula sa bayan ay maaaring hindi umuunlad sa materyal ngunit isang bagay na nakakaakit ng atensyon ng iba ay ang mga matanggapin, payapa, at mapagmahal na mga tao.Ang mga tao sa Babatnin ay mayroon lamang isang uri ng relihiyon. Sila ay matulungin at mapamaraan. Ganyan ang kasaysayan ng Baryo Babatnin, isang tipikal na baryo ng Pilipinas.
Kasalukuyan
Ang Isla Babatnin ay isa sa limang coastal Barangay sa lungsod ng Malolos . Dito ay may kabuuang 300 ektaryang lupain na napalilibutan ng mga palaisdaan sa kasalukuyan.
Ito ay may kabuuang populasyon na 1080 at may bilang ng sambahayam ma 223 ayon sa 2022 census. Mararating ang Babatnin sa pamamagitan ng pagsakay sa bangkang de motor na magmumula sa Brgy Atlag at tatagal ang paglalakbay ng kalahating oras.
Mga likas na Yaman
Pagkat napalilibutan ng tubig ay dito karaniwang nanggagaling ang pangunahing pangangailangan ng mga taga Babatnin , tulad ng mga lamang tubig gaya ng tilapya,Bangus, Hipon, Alimango Atbp. Pangingisda ang pangunahing hanapbuhay ng mga mamamayan.
Patron Si San Nicolas De Tolentino ang Patron ng Barangay na kanilang ipinagdiriwang ang kapistahan tuwing ika-10 ng Setyembre taon-taon bilang pasasalamat sa biyaya ng ilog at ng kabuhayan.
Edukasyon Sa kasalukuyan ay mayroong Paaralan ang Babatnin para sa Elementarya at Sekondarya ang CMIS-BABATNIN kung saan nag-aaral di lang mga taga Babatnin ang nag-aaral , maging mga estudyante na mula sa kalapit na Barangay ng Masile, Namayan, at Sitio Babangad , San Nicolas ng Bulakan.
References
Mrs. Maria T. Santiago