Wiki Malolos:About

Wiki Malolos is dedicated to documenting the Malolenyo story.

Maligayang pagdating sa Wiki Malolos, isang onlayn na ensiklopedya na nakalaan sa pagtatala ng kwentong Malolenyo. Layunin ng platapormang ito na magbigay ng komprehensibong gabay tungkol sa bayan ng Malolos, kasama na ang kasaysayan nito, kultura, pamana, at mga kuwento ng mga taong tumatawag ditong tahanan. Sa pamamagitan ng kolektibong pagsisikap, umaasa kami na mapanatili at maibahagi ang buhay na pagkakakilanlan ng Malolos sa kasalukuyan at sa mga susunod na salinlahi.

Ang Wiki Malolos ay bahagi ng Malolos City Virtual Library, isang inisyatibong naghihimok sa pagtatayo ng pampublikong aklatan sa Lungsod ng Malolos at kumikilos para sa pag-iingat ng kaalaman at batis pangkasaysayan ng lungsod sa platapormang digital.

Wiki Malolos Editorial Team

Sa likod ng Wiki Malolos ay ang Wiki Malolos Editorial Team, isang core group na binubuo ng mga editor at copy editor mula sa Humanities and Social Sciences sa Pambansang Mataas na Paaralang Marcelo H. del Pilar. Ang Editorial Team ang namamahala sa administrasyon ng website, moderasyon at iba pang gawaing editoryal, at pagpapalaganap ng kabatiran ukol sa proyekto. Bukod sa Editorial Team, kasama ang buong HUMSS Class of 2025 sa pagbubuo at pagpupunyagi sa proyekto.

Wiki Malolos Copyright Disclaimer

Mahalaga din sa amin na inyong malaman ang patakaran ng Wiki Malolos ukol sa karapatang-ari. Mababasa ito sa Wiki Malolos Copyright Disclaimer