Barasoain Church

Article by Rachelle

Sa puso ng Malolos, Bulacan, matatagpuan ang isang simbahang nagdala ng kasaysayan, kultura at mga alaala ng bansang Pilipinas, at ito ang Simbahan ng Barasoain. Ang simbahang ito ay isang yaman sa kasaysayan ng Pilipinas, may mga makasaysayang pangyayari na nagpapatibay sa kanyang halaga. Ang Simbahan ng Barasoain, na kilala rin bilang Our Lady of Mount Carmel Parish, ay isang makabuluhang simbahan sa kasaysayan na matatagpuan sa kanto ng Paseo de Congreso at Calle Castellano sa Barangay San Vicente, Lungsod ng Malolos at Lalawigan ng Bulacan. Ito ay isang makasaysayang simbahan na may malalim na koneksyon sa kasaysayan ng Pilipinas.

Ang Simbahan ng Barasoain ay isang talagang lumang gusali na itinayo noong 1888, idinesenyo ito ni Don Eugenio S. Villaruz. May mga elemento ng Arkitekturang Neo-Klasikal at Baroque. Makikita rito, na nagpapakita ng pagkaka-ugma sa kahalagahan nito bilang isang institusyon. Bagamat may makabago itong anyo, hindi maitatanggi ang makapinoy na pag-awit ng disenyo nito.

Bukod sa tawag na "Our Lady of Mount Carmel Parish" Ang Simbahan ng Barasoain ay kilala rin bilang “Simbahan ng Kalayaan”. Noong panahon ng Kastila, ito’y tinawag ng “Baras ng Suwail” (Dungeon of the Defiant) dahil dito nagkukuta ang mga Pilipino noong ayaw pasakop sa mga dayuhang Kastila. Ngunit ang Barasoain ay pangalan ng isang lugar sa Espanya. Dito ipinangalan ang lugar na ito nang makita ng mga Kastila na ito’y hawig sa lugar na yaon.

Ang simbahan ng Barasoain ay may makulay na kasaysayan. Saksi ang simbahan ng Barasoain sa mga mahahalagang kaganapan ng kasaysayan sa ating lugar; Ang Pagsasagawa ng Unang Kongreso ng Malolos, Ang Pagsulat ng Saligang Batas, Ang Kasarinlan ng Pilipinas bilang Isang Republika.

Ang Pambansa o Unang Kongreso. Sa loob ng simbahang ito, noong January 23, 1899, idineklara ni Emilio Aguinaldo ang kalayaan ng Pilipinas mula sa kolonyalismong Amerikano. Ipinagpatuloy ng Pilipinas ang paglaban para sa kalayaan sa kabila ng pagtitiis at pag-aaksaya ng buhay. Sa Simbahan ng Barasoain isinulat ang Saligang-Batas na tinatawag ngayong “Malolos Constitution”. Dinaluhan ng 193 delegado mula sa iba’t ibang lalawigan ng Pilipinas.

Ang Kasarinlan ng Pilipinas Bilang Isang Republika. Noong ika-29 ng Setyembre, ng taon ding yaon (1898), dito sa simbahang ito pinagtibay ang kasarinlan ng Pilipinas bilang isang Republika na ipinahayag sa Kawit, Cavite noong ika-12 ng Hunyo, ng taon ding iyon (1898).

Ang Simbahan ng Barasoain ay idineklarang Pook Pangkasaysayan sa bisa ng Presidential Decree No. 260 noong Agosto 1, 1973, dahil sa kahalagahan nito sa ating kasaysayan. Ito ay nasa ilalim ng pamamahala ng Pambansang Komisyong Pangkasaysayan ng Pilipinas.

Ang makasaysayang Simbahan ng Barasoain ay higit pa sa isang gusali. Ipinapakita nito kung gaano katapang at determinado ang mga Pilipino na ipaglaban ang kanilang kalayaan at demokrasya. Ito ay tulad ng isang kahon ng kayamanan na puno ng mga kuwento mula sa mahabang panahon. Hanggang sa kasalukuyan, ang Simbahan ng Barasoain ay isang espesyal na lugar para sa mga Pilipino. Napapanatili na makasaysayang lugar at nananatiling mahalagang simbolo ng kalayaan at nasyonalidad ng Pilipinas. Naging isa rin itong sikat na destinasyon ng turista at lugar ng pagsamba. Sa loob-loob mo, mararamdaman mo kung ano ang nangyari noong lumaban ang Pilipinas sa mga taga ibang bansa. Ang mga tao tulad ng mga turista, historyador, at mga Pilipino mismo ay pumupunta rito upang alalahanin at parangalan ang mga magigiting na bayani na isinuko ang lahat para sa kalayaan ng ating bansa.

References:

• (Lucas, Jessica Mae), (2014), (Ang Makasaysayang Simbahan ng Barasoain), (http://jessicamaelucas.blogspot.com/2014/03/my-second-travel-in-malolos-bulacan-2014.html?m=1)
• (National Historical Commission of the Philippines). (2020), (BULACAN History and Heritage), (https://m.facebook.com/nhcp.barasoainmuseum/posts/d41d8cd9/3635055216507150/).