Ang makasaysayang Malolos Capitol.

Article by Xyra

Isa sa mga makasaysayang istruktura ng Malolos ay ang Malolos Capitol. Ang eksaktong lokasyon ng nasabing lugar ay sa kahabaan ng McArthur Highway sa Malolos, Bulacan. Ang gusali na itinayo noong 1930 ay nawasak noong Ikalawang Digmaang Pandaigdig. Ito ay muling itinayo noong 1950 sa tulong ng gobyerno ng Amerika. Sa panahon ng administrasyon ni Pangulong Corazon C. Aquino. ang gusaling ito ay inayos at pinalawak.

Ang gusali ng Malolos Capitol sa lalawigan ng Bulacan ay isang Art Deco Style Architecture. Ang pasukan ng gusali ay may portico na may octagonal concrete columns at may desenyong konkretong tanglaw. Ito ay may tatlong pasukan ng kahoy na kuwadrong pinto na pinatingkad ng mga wrought iron grills na may disenyo ng pagsikat ng Araw. Ang gusali ay may malalaking pader at haligi na may simpleng disenyo na pinuntaran ng puting kulay. Dinisenyo ni Arkitekto Juan Marcos Arellano ang sikat na gusali.. Ang istrukturang pamana ng Art Deco na ito ay nakatayo bilang isa sa mayamang kasaysayan at pamana sa kultura ng rehiyon. Ang disenyo at arkitektura ng gusali ay sumasalamin sa estilo ng Art Deco na lumagap noong unang bahagi ng ika-20 siglo.

Si Juan Marcos Arellano y de Guzmàn o mas kilala bilang Juan M. Arellano ay pinanganak noong Abril 25, 1888 at namatay noong Disyembre 5, 1960. Si Juan Arellano ay isang Pilipinong arkitekto na mas kilala sa Metropolitan Theater ng Maynila noong 1935. Si Juan ay pinanganak sa Tondo, Maynila, Pilipinas. Si Juan Arellano ay anak ng mag-asawang si Luis C. Arellano at Bartola de Guzmán. Si Juan M. Arellano ay ikinasal kay Natividad Ocampo noong Mayo 15, 1915. Ang kanilang pagmamahalan ay nag-bunga ng walong anak na sina Oscar, Juanita, Cesar, Salvador, Juan Marcos, Luis, Gloria, at si Carlos.

Si Juan M. Arellano ay nag-aral sa Ateneo Municipal de Manila at siya ay nagtapos noong 1908. Ang unang hilig ni Juan Arellano ay pagpipinta talaga pero agad din itong napalitan kalaunan. Nagsanay siya nang pagpipinta sa ilalim ni Lorenzo Guerrero, Toribio Antillon, at Fabian de la Rosa. Hindi rin nagtagal ay hinabol niya ang arkitektura. Nagpunta si Arellano sa Pennsylvania Academy of the Fine Arts noong 1911 at hindi rin nagtagal ay pinalipat siya sa Drexel upang tapusin ang kaniyang bachelor's degree sa Architecture. Bumalik siya sa Pilipinas matapos niyang magtrabaho sa George B. Post & Sons sa New York City. Noong 1972, kumuha siya ng leave sa pag-aaral at nagpunta sa Estados Unidos kung saan dito siya lubos na nahasa at naimpluwensiyahan ng Art Deco architecture. Noong 1930, siya ay bumalik sa Maynila at kaniyang dinisenyo ang Bulacan Provincial Capitol. Noong 1940 naman ay dinisenyo nila ni Harry Frost ang Quezon City na magiging bagong kabisera ng Pilipinas. Noong Ikalawang Digmaang Pandaigdig, ang Legislative Building at Jones Bridge, ay ganap na nawasak at ang Post Office Building ay lubhang nasira. Bagama't ang mga istrukturang ito ay muling itinayo, ang kanyang orihinal na mga disenyo ay hindi sinunod at itinuring na hindi magandang pagtitiklop. Nagretiro si Arellano noong 1956 at bumalik sa pagpipinta. Noong 1960, ipinakita niya ang kanyang trabaho sa Manila YMCA.

Ang gusali ng Malolos Capitol ay isang mahalagang simbolo ng pamamahala sa lalawigan. Ito ay nagsisilbing upuan ng pamahalaang panlalawigan at nagtataglay ng iba't ibang mga tanggapan at kagawaran ng gobyerno. Ang gusali ng Malolos Capitol ay naging isang iconic na landmark sa rehiyon. Ito ay umaakit sa mga turista na pinahahalagahan ang kagandahang arkitektura at kahalagahan sa kasaysayan.

Ang kahalagahan sa kasaysayan ng Capitol Building ay umaabot sa kabila ng halaga ng arkitektura nito. Ang Kongreso na ito ay may mahalagang papel sa pakikibaka ng bansa para sa kalayaan mula sa kolonyal na pamamahala ng Espanya.

Kilala pa rin ang Malolos Capitol ngayon ngunit hindi na siya masyadong pinupuntahan ngayon. Iilan na lamang din ang mga tao na bumibisita sa nasabing lugar. Hindi rin giniba ang nasabing gusali.