Basilia Reyes Tiongson (Women of Malolos)

Shyllie

Si Basilia Reyes Tiongson ay ipinanganak noong 1860, kina Antonio M. Tiongson at Juliana de los Reyes. Siya ang panganay ng Kababaihan ng Malolos, kung saan nabibilang din ang ilan sa kaniyang mga kapatid na sina Paz, Mercedes, Aleja, at Agapita. Isa siya sa 2 Kababaihan ng Malolos na naitala bilang kaibigan ni Marcelo H. del Pilar. Ang isa pang babae ay ang kaniyang kapatid, si Paz. Sa kasamaang palad, wala masyadong alam sa buhay ni Basilia pagkatapos ng pagpipirma ng sulat para sa pagpapatayo ng paaralan para sa mga babae. Kulang-kulang ang mga tala ng mga namatay sa simbahan at munisipyo ng Malolos, kaya’t hindi malalaman ang tiyak na petsa ng kaniyang kamatayan. Hindi na nakatala ang pangalan ni Basilia sa listahan ng mga kababaihang nagtatag ng Red Cross sa Malolos o sa listahan ng mga nagtatag ng lokal na Asociacion Feminista de Filipinas sa Pariancillo. Mula sa kaalamang ito ay masasabi na maaring namatay siya noong 1890s.

References

Tiongson, N. G. (2004). Basilia Reyes Tiongson. In The Women of Malolos (pp. 348-350). Ateneo de Manila University Press.