Pinaso
Article by: Zairelle
Ang ibig sabihin ng Pinaso ay scorched, ito ay isang dessert na inihanda na may itlog, gatas at biskwit pagkatapos ang ibabaw nito ay binudburan ng asukal at tinunaw(caramelized) sa pamamagitan ng tradisyunal na paggamit ng isang napakainit at mabigat na Iron turner
Origin
Ang Pinaso ay isang Bulakenyo dessert dish, nagmula sa Mexico na nahahawig sa lasa ng leche flan, creme brulee at puding. Noong panahon ng kolonyalismo na ang mga prayle ay nagtatayo ng mga simbahan kaya naman napakarami ng suplay ng pula ng itlog, dahil ang puti ng itlog ay ginagamit upang ipagbigkis ang semento, bato, korales at shell na ginamit sa pagtatayo ng mga nasabing simbahan na ito. Kaya nga nalikha ang mga putaheng tulad nito, leche flan at yema. Ang Pinaso ay isa sa mga Christmas recipe na unti unti nang namamatay at sa pag asang maibalik ang simpleng pagbabahagi ng recipe at tamang paraan ng pagluluto nito sa iyong mga anak o sa iyong mga mahal sa buhay ay kayang kaya na maipagpatuloy pa rin ito.
Ingredients
- 400 ml evaporated milk
- ¾ cup granulated sugar
- 4 packets (12 pcs) saltine crackers
- 5 eggs
- 1 tbsp lemon or dayap rind (grated)
- 1 tsp vanilla
Procedure
- Sa isang palayok pagsamahin ang gatas, itlog, saltine crackers, 1/2 tasa ng asukal, lemon rind at vanilla. Ilagay sa ibabaw ng kalan pagkatapos ay lutuin sa mahinang apoy habang patuloy na hinahalo hanggang sa lumapot.
- Budburan ng 1/4 tasa ng asukal ang ibabaw
- Kung may culinary torch, sunugin ang ibabaw hanggang sa ma caramelize nito ang asukal, kung wala namang culinary torch ay gumamit ng isang mabigat na bakal turner,ilagay ito sa ibabaw ng kalan, hanggang sa maging mainit ito at ilapat ang heavy iron turner sa ibabaw hanggang sa mag caramelize ang asukal nito
- Ihain ito ng mainit init pa o palamigin muna bago kainin.