Gregorio Crisostomo: Difference between revisions

Dahil sa kanyang hayagang pagtutol sa pamamahala ng mga Amerikano at sa hinalang sumusuporta siya sa mga gerilya, inaresto si Padre Goyo noong Setyembre 5, 1900.<ref>The Women of Malolos, "The Political Background", 2004, 111.</ref> Siya ay ipinatapon sa San Isidro, [[Nueva Ecija]], kasama ang abogadong si Santiago Lucero at iba pang mga makabayan. Sila ay pinatawan ng sapilitang pagtatrabaho sa mga lansangan habang nakatanikala ang mga paa sa loob ng labing-walong buwan.<ref>Malolos-Supling ng Kasaysayan, "Ang Malolos sa Panahon ng Digmaang Pilipino-Amerikano", 42.</ref>

Sa kabila ng kanyang katayuan sa simbahan, pinili ni Padre Goyo na huwag ibigay ang kanyang yaman sa institusyon ng relihiyon. Sa halip, sa kanyang huling testamento, ipinamana niya ang kanyang mga lupain at salaping nagkakahalaga ng P60,000 sa pamahalaan para sa mga gawaing sibiko at kawanggawa.<ref>Historical Calendar latest as of 6-24-16, "April 18, 1819 – Gov Buendia requested the governor-general...", 2016.</ref> Ang pondong ito ang naging mitsa sa pagpapatayo ng Bulacan Provincial Hospital.<ref>Ang Malulos sa mga Dahon ng Kasaysayan, "Kabanata 8", 1934, 120.</ref>